बालसंगोपन रकमेत अखेर १४०० रुपयांची वाढ - विधानसभेत घोषणा
महाराष्ट्रातील बालसंगोपन योजनेच्या ५४,००० लाभार्थीं मुलांना यापुढे दरमहा ११२५ रूपयांऐवजी २५०० रूपये अनुदान मिळणार आहे व कोरोना एकल महिलांना रोजगारासाठी पंडिता रमाबाई व्याजमाफी योजनेंतर्गत बचत गटांच्या माध्यमातून दोन वर्षांसाठी १ लाख रूपये बिनव्याजी मिळणार असल्याची घोषणा महिला व बालकल्याण मंत्री मंगलप्रभात लोढा यांनी नुकतीच विधानसभेत केली.
२०२१ च्या बजेटमध्ये अजित पवार यांनी ११२५ ची रक्कम २५०० केली पण शासन आदेश निघू शकला नाही. सरकार बदलताच नव्या सरकारने त्याला स्थगिती दिली. त्यानंतर कोरोना एकल महिला पुनर्वसन समितीने पाठपुरावा केला. विधानपरिषद उपसभापती निलम गोऱ्हे यांनी यावर बैठक घेतली. यावेळी समितीचे कार्यकर्ते मिलिंद साळवे व अशोक कुटे उपस्थित होते. उपमुख्यमंत्री सचिव श्रीकर परदेशी यांच्यासोबतही मिलिंद साळवे यांनी बैठक घेतली.
राष्ट्रवादी काँग्रेसचे प्रमुख शरद पवार यांनी जाहीरपणे सरकारवर नाराजी व्यक्त केली. या सर्वांचा विपाक म्हणून एकूण ५४ आमदारांनी कोरोना विधवा महिलांच्या समस्या व
बालसंगोपन योजनेवर प्रश्न विचारले. इतकी मोठी जागृती या विषयावर सामाजिक कार्यकर्त्यांकडून करण्यात आली. समितीच्या रेट्यामुळे कोरोना विधवा महिलांना बिनव्याजी कर्जयोजना मंजूर झाली. त्यासाठी पंडिता रमाबाई व्याजमाफी योजना आली होती. पण या सरकारने स्थगिती दिली होती. पण आता या महिलांना बिनव्याजी १ लाख रुपये कर्ज मिळणार असल्याचे समितीचे हेरंब कुलकर्णी यांनी सांगितले.
चौकट करावी
आपल्या परिचयाच्या विधवा महिलांच्या मुलांना जवळच्या महिला बालकल्याण विभागात संपर्क करून ही योजना मिळवून द्या.१८ वर्षे दोन मुलांना पैसे मिळतात.
